Boulevardeko aparkalekua Boulevard zumardiaren azpian dago. Alde Zaharrera, Portura eta Hirigunera joan daiteke bertatik. Metro gutxira oinez, Kontxako hondartza dago alde batean, eta Gros auzoa, berriz, bestean.

Mapa: Boulevard Zumardia, 2A. Donostia 20003 Gipuzkoa.
Web:www.donostia.eus/
Telefonoa: +34 943 420 287
Ordutegia: Ordutegia: 24 ordu.
Tarifak: Prezioak: www.donostia.eus/
Gehieneko altuera: 2,20m.

● Aparkalekutik gertu, hainbat Dbus linea daude.
● Informazio-panelak ibilbideekin eta ordutegiekin geralekuetan daude.
● Boulevardeko taxi-geralekua ere badago.
● Informazio gehiagorako, Dbus eta Taxien fitxak kontsultatu.

Aparkaleku publikoa -1, -2 eta -3 solairuetan dago.
● Oinezkoentzako 3 sarbide daude.
● Horietako bik igogailua dute.
● Sarbide guztietako ateak suhesiak dira, eta zabalik egoten dira une oro.
● Ateek 0,80m-ko zabalera dute, eta igarotzeko trabarik ez.
● Ateen barruko eta kanpoko zonan bira egiteko erradioa 1,50 metrotik gorakoa da.
● Bide irisgarria da gurpil-aulkian doazenentzat.

● Aparkalekuaren muturretan bi igogailu berdin daude.
● Igogailuak 1,40 x 1,10m-ko neurria du.
● Igogailuetako ateek 0,80m-ko zabalera dute, eta igarotzeko trabarik ez.
● Igogailuaren barruko botoiak lurretik 1,20 metrora daude, braillez eta goi-erliebean markatuta.

Igogailutik oinezkoak sartzeko bidetik gertu, MMP-tzako 8 aparkaleku daude: 2 leku -1 solairuan, 3 leku -2 solairuan, eta 3 leku -3 solairuan.
● Leku batzuetan ibilgailuaren atzealdetik sartu behar da, eta, beste batzuetan, aldiz, ibilgailuaren albo batetik.
● Badaude ibilgailura sartzea oztopa dezaketen zutabeak.
● Neurriak:
-3,40m x 5,50m neurriko 3 aparkaleku.
-4,40m x 4,90m neurriko 3 aparkaleku.
-3,60m x 5,10m neurriko 2 aparkaleku.
Ezin dira MMP-tzako aparkalekuak erreserbatu.

Informazio-gunea aparkalekuaren barruan dago, sarbide nagusiaren aldamenean. Sarbide hori ez da irisgarria gurpil-aulkientzat.
● Aparkalekuko ordainketa-makinak irisgarriak dira gurpil-aulkian doazenentzat.
● Makinen aldamenean tarifei buruzko informazio-orriak daude.
● Makinetan interfonoa dago, aparkalekuko langileekin hitz egiteko.

Bi komun egokitu daude: sarbide nagusiaren alboan bata, eta udaletxearen inguruan bestea, igogailuaren sarbidetik gertu, hain zuzen.
● Bi komunetako ateek 0,80m-ko zabalerako igarobide librea dute.
● Sarrera nagusiaren alboko komunak 2,15m x 2,17m neurtzen ditu, eta transferentzia-barra eraisgarria du. Aparkalekuko txartela behar da sartzeko.
● Komunak 1,50m x 3,0m neurtzen ditu, eta transferentzia-barrak ditu, bata finkoa eta bestea eraisgarria. Langileak dituen komun publikoa da.