Ondarretako hondartzatik eta Miramar jauregitik 250 m-ra dagoen Codina hotela guztiz eraberritutako eta estrategikoki kokatutako hiriko klasiko bat da. 65 logela ditu guztira establezimenduak, eta horietako 2 egokituak dira. Halaber, hotelak beste zerbitzu batzuk eskaintzen ditu, hala nola: kafetegia, buffet gosaria, ikuztegia edo ordainpeko garajea (leku mugatuak)

Kategoria: 3 izar
Ubicación: Zumalakarregi hiribidea 21, 20008 Donostia/San Sebastián
Web: https://www.sercotelhoteles.com/es/hotel-codina
Telefonoa: +34 943 21 22 00
Email: info@hotelcodina.es
Sare sozialak: Facebook

● Garraio publiko egokituan irits daiteke.
● Dbus hiribus-sarearen 5, 24, 25, 27, 33, 35, 40, 43, eta 45 lineak geratzen dira establezimendutik gertu.
● Lineei eta ordutegiei buruzko informazioa: www.dbus.eus
● Edo Dbus app-ean
● Hoteletik gertuen dauden autobus-geralekuak “Antiguoko Anbulatorioa” (hotelaren pareko kalean) eta “Zumalakarregi 21” (hotelaren sarreraren ondoan) dira.
● Autobus-geralekuetatik hotelerako ibilbidean ez dago oztoporik.

● Hotelak leku-kopuru mugatua du lur azpiko aparkalekuan.
● Aparkalekua ordainpekoa da.
● Aparkalekuak ez dauka mugikortasun urriko pertsonentzako lekurik..
● 1. lekua handiena da. 4,20 m x 2,50 m neurtzen ditu.
● Hoteletik gertu mugikortasun urriko pertsonentzako aparkalekuak daude kalean. Adibidez:
Matia kalean: hoteletik 210 m-ra
Matia kalean: hoteletik 300 m-ra
● Aparkalekuetatik hotelerako ibilbidean ez dago oztoporik.

● Establezimenduak zero kotan dagoen sarrera nagusi bat dauka.
● Atea beirazkoa, lerragarria eta automatikoa da, eta 176 cm-ko igarobide librea du
● Lur azpiko aparkalekutik hotelera igotzeko igogailu bat dago.

● Arreta-mahaiak 2 altuera ditu.
● Arreta-mahaiaren beheko eremua lurretik 84 cm-ra dago eta gurpil-aulkia duten pertsonak hurbiltzeko prestatuta dago.
● Webgunean, hotelari eta zerbitzuei buruzko informazioa egoteaz gain, erreserbak ere egin daitezke.

● Hotela prestatuta dago gurpil-aulkian doazenek barrutik zirkulatzeko.
● Zoladura gogorra eta ez-labaingarria
● Pasabideak eta atondoak zabalak dira eta argi egokia dute
● Eserlekuak daude harrera-gunean, areto komunean eta kafetegian.
● Eskailerak eta igogailua ditu.
● 2 igogailu daude.
● Gurpil-aulkian doazen pertsonek igogailuak erabil ditzakete. Tamaina: 120 cm x 139 cm, eta 90 cm-ko igarobide librea atean.
● Igogailuetako botoiak braillez seinaleztatuta daude eta erliebe handikoak eta kontrastedunak dira, barnekoak zein kanpokoak. Gainera, solairua adierazten duten soinuzko abisua eta abisu bisuala dituzte.

● Hotelak komun egokitu partekatuak ditu.
● -1 solairuan daude, gosarietarako eremuan, hain zuzen.
● 2 komun egokitu daude, sexu bakoitzerako bana.
● Ateak lerragarriak dira. Emakumeen komuneko ateak 70 cm-ko igarobide librea dauka eta gizonezkoenak, 87 cm-koa.
● Komunontziek euskarri-barra eraisgarria dute.
● Konketek aginte bakarreko iturriak dauzkate, eta gurpil-aulkian doazen pertsonak hurbiltzeko prestatuta daude.

● 2 logela egokitu daude.
● Bata lehen solairuan dago; bestea, bigarrenean.
● Ateek 87 cm-ko igarobide librea dute.
● Logelen barrualdea irisgarria da gurpil-aulkian doazen pertsonentzat.
● 2 logeletako komunak zabalak dira: ateak lerragarriak dira eta 86 cm-ko igarobide librea daukate, dutxak zero kotan daude eta dutxarako banku bat daukate, konketek aginte bakarreko iturria dute eta hurbiltzeko espazio librea daukate, komunontziek euskarri-barra eraisgarria daukate eta dutxako eserleku mugikorrak.

Hotelak kafetegi publikoa du eta bezeroentzako bakarrik den buffet gosarietarako gunea ere badu.
Kafetegia:
● Kafetegiko sarrera zero kotan dago.
● Kaletik sartzeko ate lerragarri automatikoak daude eta 176 cm-ko igarobide librea dute..
● Prestatuta dago gurpil-aulkian doazenek barrutik zirkulatzeko.
● Mahaien azpiko ertzaren eta lurraren artean 74 cm daude.
● Menua QR kode baten bidez eskura daiteke.
Gosarietarako eremua:
● Buffet gosarietarako eremura eskaileretatik edo igogailuan hel daiteke.
● Igogailuan joanez gero, eskuz irekitzen diren 2 ate daude, eta 78 cm-ko igarobide librea dago.
● Ez dago zirkulazioa eragozten duen oztoporik.
● Mahaien azpiko ertzaren eta lurraren artean 76 cm daude; buffeteko mahaian, aldiz, 90 cm.
● Buffetak alergenoei buruzko informazioa du.

Laguntza-txakurrak gogo onez eta inolako kosturik gabe onartzen dira (gida-txakurrak; alerta medikokoak; gorren, autisten eta mugikortasun urriko pertsonen laguntza-txakurrak eta abar), ahalmen urriko pertsonentzako laguntza-txakurrei buruzko ekainaren 29ko 10/2007 LEGEAREN arabera.

● Komun egokitu partekatuak.
● 2 logela egokitu.
● Mugikortasun urriko pertsonentzako aparkalekuak hotelaren ondoko kalean.
● Oztoporik gabeko sarrera eta zirkulazioa barnealdean.
● Igogailuak irisgarriak dira gurpil-aulkian doazen pertsonentzat.

● Larrialdietarako soinuzko alarma.
● Igogailuen botoiak braillez seinaleztatuta daude eta kontrastedunak eta erliebe handikoak dira. Solairua adierazten duen soinuzko abisuak ere badaude.

● Larrialdietarako alarma bisuala.
● Ez dago indukzio magnetikoko begiztarik, ezta zeinu-hizkuntza dakien langilerik ere.